"AzMuhasib - Mətbuat" proqramı - qəzet və jurnalların əhaliyə, müəssisəyə və təşkilatlara yayılması ilə məşğul olan mətbuat yayımı müəssisələri üçün nəzərdə tutulmuşdur.

Sifarişçilərlə (əhali, müəssisə, təşkilat) bağlanmış müqavilələr əsasında proqramda "Sifarişlər" hazırlanır.

Qəzet və jurnallara olan sifarişlər poçt şəbəkələri üzrə qruplaşdırılan sifarişçilərin hər biri üçün ayrı-ayrılıqda işlənilir. Redaksiyalardan müxtəlif günlərdə faktiki qəbul edilmiş qəzet və jurnallar proqramda mədaxil edilir. İş prosesində sifarişlərə düzəlişlər etmək mümkündür. Düzəlişlər edildikdən sonra sifariş təsdiq edilir və qəzet-jurnallar avtomatik məxaric olunub qalıqdan silinir. Təsdiq olunmuş sifarişə uyğun olaraq aparılan məxaric əməliyyatı nəticəsində hər bir sifarişçi üçün ayrı-ayrılıqda (poçt şöbəsi, ünvanı və s. göstərilməklə) qəzet və jurnalların miqdarı, qiyməti və məbləği haqqında məlumatlar əks olunan qaimələr çap edilir. Qaimələr 2 formada: satış və abunə formalarında çap olunur.

Buraxılmış qəzet və jurnalların məbləğləri avtomatik olaraq sifarişçilərin hər birinin borc jurnalında əks olunur. Borcları hesabatlarda poçt şöbələri üzrə də quraşdırmaq mümkündür.

Borcların bağlanması proqamda kassa mədaxil orderləri vasitəsi ilə həyata keçirilir. Bu zaman mədaxil edilmiş pul hər bir poçt şöbəsi və ya sifarişçinin borcunun azaldılmasına yönəldilir, eyni zamanda kassada (bankda) pul vəsaitinin hərəkətində əksini tapır.

Borcların tənzimlənməsi eyni ilə redaksiyalar (malgöndərənlər) üzrə də aparılır. Bu zaman mədaxil olunmuş qəzet və jurnalların məbləği avtomatik olaraq redaksiyalar üzrə borcların yaranmasına, məxaric orderi ilə ödənilmiş pul vəsaitləri isə bu borcların azaldılmasına yönəldilir. Eyni zamanda kassada (bankda) pul vəsaitlərinin uçotu aparılır, qalıq çıxarılır.

Proqramda müxtəlif sayda anbarlar və kassalar (bank hesabları) üzrə ayrı-ayrılıqda uçot aparmaq mümkündür. Anbarlar arasında qəzet və jurnalların, kassalar (bank hesabları) arasında isə pul vəsaitlərinin yerdəyişməsi mümkündür.

Proqramda mədaxil olunmuş və sifarişçilərə paylanmış qəzet və jurnalların hərəkəti və qalığı haqqında, borclar haqqında, kassada (bankda) olan pul vəsaitlərinin hərəkəti və qalığı haqqında müxtəlif formalarda və müxtəlif tələblərə uyğun cədvəllər və analitik hesabatlar almaq mümkündür.

Proqramın interfeysi Azərbaycan və Rus dillərindədir.

Hesabat formalarını Excel proqramına eksport etmək imkanı var.

Proqram Windows əməliyyat sisteminin bütün versiyalarında işləyir.